Në një intervistë të dhënë për mediat, Lionel Messi ka theksuar që ka qenë i surprizuar teksa ka parë Cristiano Ronaldon të largohet nga Real Madridi dhe beson që klubi Madrilen do të jetë më i dobët si rezultat i kësaj.
Rivaliteti mes të dyve ka bërë që të shkruhet një epokë e artë në botën e futbollit me plot trofe ekipor dhe çmime individuale të fituara, ndërsa tani Messi dhe Ronaldo do të përballen me njëri-tjetrin në distanca të largëta dhe në vetëm një kompeticion.
”Pa dyshim që ata (Real Madridi) janë një ndër ekipet më të mira në botë, kanë lojtarë të mëdhenjë dhe një skuadër të madhe por është e vërtetë, largimi i Cristianos nga skuadra do i bëje ata më pak të fortë,” thotë Messi.
”Juventus është favoriti i qartë për të fituar Champions LEaguen për shkak të skuadrës që kishin më parë dhe tani me ardhjen e tij. Isha i surprizuar nga vendimi i tij, nuk mendoja se do të largohej nga Real Madridi e aq më pak të përfundonte tek Juventus. Kishte aq shumë skuadra dhe kam dëgjuar më pak për Juven, por është një skuadër shumë e mirë.”
