Marcelo e pranoi se ishte i befasuar pasi u zëvendësua në fitoren ndaj Gironas dhe tha se nuk kishte ndonjë problem fizik.
Mysafirët fituan 4 – 1 në përballjen ndaj Gironas, dhe vazhduan me ecurinë e fitoreve në La Liga.
“Isha i befasuar nga zëvendësimi, por respektoj vendimin e trajnerit. Kam dashur të vazhdoj sepse jam ndjerë 100% i gatshëm,” – tha fillimisht Marcelo.
“Jemi në rrugën e duhur dhe jam i sigurt se do të përmisohemi nga ndeshja në ndeshje. Luajtëm mirë sot (dje) dhe morëm tre pikë.” – vazhdoi më tutje Braziliani.
“Cristiano është më i miri në botë, kështu që padyshim se do të na mungojë, por Bale dhe Benzema gjithashtu janë shumë të mirë.”
Në pyetjen se kush duhet të jetë në portë ai shtoi: “Kemi dy portier shumë të mirë, jam shumë i lumtur për Keylor, ai po bën shumë mirë.”
