Qëllimi i Julen Lopeteguit me Real Madridin në këtë sezon është fitimi i La Ligas.
Trajneri i ri nuk ka hezituar të tregojë prioritetin e tij menjëherë pas humbjes në finalen e Superkupës së Europës ndaj At.Madridit.
“Ne duam të mendojmë për ligën, për të cilën jemi të ngazëllyer”, tha ai.
Lopetegui rikujtoi se ekipi Madrilen ka fituar shumë pak trofe të La Ligas në sezonet e fundit dhe se për këtë arsye duan t`ia fillojnë mirë kësaj here.
Ai është i vetëdijshëm se konkurrenca do të jetë e ashpër në Kampionat dhe se do t’i duhet ekipi të përgjigjet që nga fillimi.
Lopetegui dëshiron t`ua tërheqë vëmendjen lojtarëve të tij për këtë gjë.
Ai e di se këto momente të sezonit janë të ndërlikuara dhe se ka akoma lojtarë që nuk janë në më të mirën e tyre. Poashtu ka edhe të tjerë me të ardhmen e tyre ende në ajër.
Por sipas tij është koha që lojtarët ta harrojnë atë çka ndodhi në Superkupë dhe të fokusohen në La Liga.
