Gazeta Marca ka bërë një listë të lojtarëve që mund të transferohen te Real Madridi në këtë merkato.
Sipas asaj që raporton gazeta në fjalë, Madrilenet, po kërkojnë lojtarë për të gjitha pozitat.
Mbrojtja
Në mbrojtje janë 5 emra: 4 prej tyre për pozitën e qendër-mbrojtësit e 1 tjetër për atë të krahut të majtë.
Manolas, De Ligt, Skriniar dhe Romagnoli janë nën monitorimin e Madrilenëve për të përforcuar pozitën e qendër-mbrojtësit.
Ndërkaq, opsion për krahun e majtë po konisderohet Alex Telles.
Mesfusha
Në mesfushë opsionet janë më të njohura. Vihet një theks interesimi për Thiago, Eriksen dhe Milinkovic-Savic.
Përveç tyre, surprizë e kësaj liste janë Rabiot dhe mesfushori holandez De Jong.
Më afër kalimit te Madrilenet nga të gjithë të lartëpërmendurit është Thiago Alcántara.
Sulmi
Një zëvendësim për Benzema apo një sulmues titullar? Opsionet i shkojnë përshtati të dy këtyre dilemave.
Mariano, Werner ose Rodrigo po shqyrtohen si mundësi për të luajtur një rol më dytësor, ndërsa Icardi dhe Lewandowski për një rol më parësor.
Merkatoja për Real Madridin dhe të gjitha ekipet e tjera në Spanjë është e hapur deri me 31 gusht të këtij viti.
