Ish-trajneri Madrilen, Fabio Capello ka thënë se Real Madridi nuk do ta lejojë largimin e Modric sidomos pas ikjes së Cristianos.
Ai këto komente i bëri në një intervistë për La Gazzetta dello Sport.
“Modric është një nga mesfushorët më të mirë në botë me Kante, interpreton konceptin e futbollit modern”, ka thënë tekniku italian.
Capello u shpreh se një lojtar përmirësohet duke luajtur në një ekip të madh.
Mes tjerash, Capello foli edhe për arritjen e Cristiano në Juventus, transferim nga i cili sipas tij përfiton i gjithë Kampionati italian “Serie A”.
“Në vitet e 80-ta dhe 90-ta Kampionati italian ishte më i miri, por që atëherë ne nuk kemi qenë në gjendje për të investuar në infrastrukturë”, ka deklaruar ai.
Ndërkohë, tekniku italian bëri me dije se arsyeja kryesore e largimit të Zidane nga Real Madridi ishte e kërkesa e këtyre të fundit që francezi ta fitojë edhe Champions Leaguen e 4-të, përndryshe do të largohej.
