Mourinho thotë se mund të identifikohet me presionin që Julen Lopetegui ka, pas shkarkimit nga kombëtarja spanjolle për të marrë ‘frenat’ e Real Madridit.
Mou, Manchester Unitedi i të cilit mposhti Realin 2 – 1 mbrëmë pas mesnate, tha se ai gjithashtu la gjithçka për të marrë përsipër rolin e trajnerit në kryeqytetin spanjoll vite më parë dhe është i bindur se Lopetegui do të ketë sukses në Bernabeu.
Rreth lojës së Real Madridit mbrëmë pas mesnate – “Ky nuk ishte Real Madridi i vërtetë, në të njejtën mënyrë që nuk ishte edhe Manchester Unitedi im, ata ishin pa shumë lojtarë, duke përfshirë një kampionë bote, Raphael Varane.. Futën në fushë shumë lojtarë të Castillas. Eende nuk janë në pikën ku mund t’i vlerësoni ato si një skuadër.”
Cristiano – “Është e qartë se Madridit do t’i mungojë, por Real Madridi është më i madh se çdo lojtar.”
Lopetegui – “I uroj atij më të mirën, e njoh që 21 vite, ai është një djal shumë i mirë dhe një trajner i madh.”
Lopetegui e la detyrën në kombëtaren spanjolle për t’u bërë trajner i Real Madridit – “Kur nënshkrova për Madridin, isha ende në Inter dhe fitova Champions Leaguen me ta. Nuk mendoj se kam qenë jo profesionist për t’a bërë këtë.”
