Luka Modric ka dhënë një intervistë pas arritjes në finale të botërorit me Kroacinë, ku nesër do të luajnë përball Francës.
Kroati i cili ishte lideri i kombëtares së tij dhe njëri nga lojtarët më të mirë të këtij botërori ka folur për mundësinë që ka për t’a fituar Topin e Artë dhe për largimin e Cristianos nga Madridi.
”Nuk më intereson Topi i Artë, nuk është e rëndësishme kjo. E kam thënë edhe më parë, dëshira ime e vetme është që të fitoj titullin me Kroacinë.”, ishin fjalët e Modric që shkëlqeu në këtë botëror pas suksesit historik me Real Madridin në Champions League.
Ndërsa sa i përket largimit të Cristianos ai shtoi: ‘‘Unë thash se dua qëndrimin e tij pasi ishte dëshira ime, nuk dija asgjë. Cristiano është unik dhe është një humbje kur ai largohet. I dëshiroj më të mirë, më pak kur luan kundër Madridit. E vlerësojmë cdo gjë që ai bëri për klubin.”
