Cristiano u largua nga Madridi por numrat e tij në klub nuk do të harrohen për shumë vite gjatë historisë së klubit. Portugezi arriti që të vendoset në krye të listës së golashënuesëve më të mirë në historinë e klubit pasi shënoi plot 451 gola në 438 ndeshje në të gjitha kompeticionet me fanellën e klubit.
Me këta gola të Portugezit, klubi ka fituar 316 ndeshje, ka barazuar në 70 ndeshje dhe ka humbur 52 ndeshje.
Pa golat e Cristianos, ekipi do të kishte fituar 89 ndeshje më pak dhe kjo dëshmon më së miri se ai ka qenë udhëheqësi dhe lideri i ekipit në vitet e fundit. Pa golat e tij ekipi do të kishte fituar 227 ndeshje, do të kishte barazuar në 104 ndeshje dhe do të kishte humbur në 95 ndeshje.
Golat e Portugezit kanë qenë vendimtar në 4 finalet e Champions League dhe në triumfet në kompeticionet tjera.
