Nëse Cristiano largohet në drejtim të Juventusit numrin e tij 7 në fanellë do të trashëgojë me shumë mundësi Marco Asensio i cilësuar si lojtari Madrilen më të ardhmen më të ndritur raporton EB.
Cristiano madje në një intervistë pati vendosur Asension në mesin e lojtarëve të rinj që do ta dominojnë futbollin në të ardhmen.
Megjithatë, i gjithë ky skenar mund të ndryshojë nëse në Real Madrid vjen një lojtar i kalibrit të lartë siç aktualisht është Cristiano Ronaldo.
Përveç këtij numri, është numri 10 ai i cili mund të ndryshojë pronësinë nga sezoni i ri. Kjo pasi që nëse transferohet Neymari në Real Madrid, ai do të mbajë numrin 10, të cilin aktualisht e mban Luka Modric. Ky i fundit do ta rikthejë prapë numrin e tij të mëparëshëm, 19.
Ndrëkohë i sapoardhuri Odriozola aktualisht ka mundësi të zgjedh vetëm numrin 16 i cili është i lirë. Në rast se Achraf huazohet te Dortmund, Odriozola ka mundësi të zgjedh pastaj edhe numrin 19.
Ndryshimi i numërave në fanellat e lojtarëve mund të ndryshojë varësisht nga ardhjet apo largimet që ndodhin gjatë kësaj merkatoje verore.
