Fenomeni Ronaldo ka vlerësuar cilësinë e Cristianos por në të njejtën mënyrë ka thënë edhe disa fjalë lavdëruese për Messin, rivalin e përjetshëm në futboll të Portugezit.
”Me qëndrimin e tij të mahnitshëm, me mentalitetin e tij të pabesueshëm fitues, Cristiano Ronaldo është një lojtar unik.”, tha Fenomeni në një intervistë për mediumin sportiv gjerman ‘Sport Bild’.
Ai që ishte sulmuesi më i mirë në botë, e pranoi admirimin e tij për Messin, rivalin e përjetshëm të Cristianos: ”E pranoj se Lionel Messi i ka shtuar më shumë magji futbollit. Me driblimet e tij, me rrugën e tij të luajturit futboll, gjithmonë gjeneron shumë situata të papritura në sulm.”
Braziliani gjithashtu deklaroi se Cristiano është teknikisht shumë i përgatitur dhe me 33 vjet po luan në nivelin më të lartë. ”Koha do të tregoj se cfarë pozicioni ka rezervuar historia për të. Në Man UTd shënoi shumë gola por në Real Madridi i kompletoi ato më shumë.”, përfundoi fenomeni.
