Ish-legjenda Madrilene, Guti është në bisedime me klubin skocez St Mirren për tu bërë trajner i këtyre të fundit. Tekniku spanjoll është jashtë listës së të qenurit trajneri i ri i mundshëm i Real Madridit pas largimit të Zinedine Zidane.
Lajmin e ka bërë të ditur BBC. Ishte vetë tekniku Madrilen ai i cili disa ditë më parë deklaroi se kishte oferta jashtë Spanjës. Megjithatë, ai nuk dha më shumë detaje dhe konfirmoi se qëllimi i tij ishte të largohej nga akademia Madrilene në menyrë që të testohej në një nivel më të lartë.
Tani, pasi largimit të Zinedine Zidane u përfol se Guti do të jetë zëvëndësuesi i tij te Real Madridi.
Megjithatë, klubi Madrilen po kërkon një trajner me përvojë, i cili ka jetuar në elitën e futbollit botëror si teknik dhe di të merret me situata të ndryshme që mund të lindin gjatë një sezoni. Dhe Guti, për momentin, nuk është një opsion.
