Zinedine Zidane nga sot nuk do të jetë më trajner i Real Madridit. Këtë e konfirmoi vetë tekniku Madrilen në në konferencë për medie të mbajtur në orën 13:00.
Këtë largim të tij e kishte parashikuar 3 muaj më parë kapiteni Sergio Ramos.
Ky i fundit pas fitores se parë ndaj PSG me rezultat 3-1 pati deklaruar se Zidane mund ta fitojë përsëri Champions Leaguen dhe të dëshirojë një pushim pastaj.
“Ka mundësi. Gjithkush e merr si të kryer që nëse ai fiton atëherë do të qëndrojë, por ai mund të dëshirojë të pushojë pak . Ju kurrë nuk e dini”, pati thënë 32 vjeçari Ramos.
Zinedine Zidane në 3 sezone me Real Madridin ka arritur të fitojë tre trofe të Champions Leagues.
