Edhe presidenti ka folur për mediat dhe ka vlerësuar të 13-tën e fituar nga ekipi. ”Kemi një epokë që liderojmë futbollin botëror.”
Vuajtjet: ”E vërteta është që gjithmonë duhet të vuash. Ka qenë një ndeshje e vuajtur, por kjo edhe për shkak të Liverpool që ka bërë një ndeshje të madhe.”
Finalja e Bales: ”Çfarë goli, Bale ka qenë njëri ndër më të mirët e ndeshjes, pa dyshim.”
Mesazh për Balen dhe Ramos: ”Kanë luajtur mirë, asgjë më shumë, ata e dinë. Kjo është një familje e madhe dhe kam filluar të ndjehem i impresionuar nga ajo që po bëjmë. Tashmë kam 5 Champions.”
Përforcimet: ”Kemi një ekip madhështor, më të mirët në botë në çdo pozicion dhe falë kësaj kemi një epokë që po liderojmë futbollin botëror. Kemi luajtur me gati të gjithë më të mirët këto vite dhe jemi shumë të kënaqur. Nuk janë me rëndësi blerjet, kur kemi në ekip më të mirët në çdo pozicion. Është e vështirë t’a përmirësosh këtë ekip.”
Planifikimi: ”Do e festojmë këtë Champions. Kur kemi një ekip kaq të mirë nuk e di se çfarë planifikimi do të bësh.”
Largimi i mundshëm i Cristianos: ”Mos më pyetni për kështu gjërash në një ditë kur festojmë Championsin. E gjithë bota ka të drejtë të flasë, por ajo që ka rëndësi këtu është klubi, që të gjithë duhet të festojmë këtë Champions. Nuk futem në tema personale të një lojtari. Ai ka qenë i lumtur, është i lumtur dhe do të vazhdoje të jetë i lumtur. Nuk është se mund të qëndroje, ai ka një kontratë këtu. Sot është një festë për të gjithë Madridizmin dhe nuk jam këtu për të folur për një lojtarë në veçanti. Të gjithë janë të kënaqur, Real Madridi është më i rëndësishëm, është institucioni që tashmë ka 13 kupa të Europës.”
Lidhja me Cristianon: ”Jam i kënaqur për Cristianon. Ka fituar 5 kupa Europiane, ashtu si unë. Lidhja me të është shumë e mirë. Tre Champions rradhazi, katër në 5 vitet e fundit, ka më mirë se kaq? Të gjithë janë të lumtur, nuk duhet të shohësh më tepër se si kanë luajtur.”
Festimet: ”Nuk e di se çfarë do të bëjmë për festën. Do të jem në shtëpinë time. Do të festoj me shoqërinë dhe me të afërmit e mi, ashtu si në çdo vit.”
Ekuilibri: ”Madridizmi është i kënaqur. Nuk e di nëse kjo mund të zgjasë, kemi tre Champions rradhazi dhe tani duket sikur e kemi asimiluar. Kemi një skuadër spektakolare, jemi më të mirët në Europë. Jemi fituesit e merituar të Championsit.”
Kritika për mediat: ”Bale është njëri ndër më të mirët në botë, poashtu edhe Benzema. Në media ka njerëz që e kanë si objektiv të dëmtojnë Real Madridin, por ata të dy janë fenomena.”
