Gareth Bale foli për mediat e pranishme në qendrën stërvitore të ekipit në Valdebebas dhe analizoi në përgjithësi finalen e Champions League ndaj Liverpoolit, që ekipi do t’a luajë më 26 maj (të shtunën) në Kiev të Ukrainës.
”Ndjehem mirë, jam gati për finalen. Eshtë një moment historik. Sezonin e kaluar fituam të dytën radhazi ndërsa tani dëshirojmë të tretën. Jemi duke punuar shumë, e dimë se do të jetë e vështirë, kemi një kundërshtar shumë të vështirë.”
”Ndihem mirë, e di që kam shënuar disa gola në javët e fundit dhe kanë tërhequr vëmendjen. Kam ardhur në këtë klub të madh për të fituar trofe. Shpresojmë se do t’a fitojmë trofeun e CHampionsit përsëri. Eshtë një ndeshje e rëndësishme, por pa marrë parasysh rivalin ne duhet të vazhdojmë të fitojmë tituj. Kurrë nuk kam imagjinuar se do të luaja kaq shumë finale. Tani kam fituar tre dhe kam mundësinë për të katërtën dhe kam tejkaluar pritjet që kam pasur.”
