Zinedine Zidane u paraqit në konferencë për shtyp gjatë ditës së sotme, në të cilën analizoi ndeshjen e nesërme ndaj Sevillas, ndeshje që ishte shtyrë për shkak të finales së Copa del Rey para rreth dy jave.
Por, tekniku mori pyetje edhe për finalen e Kievit ndaj Liverpoolit dhe njëra nga pyetjet e një gazetarit të pranishëm ishte edhe si e sheh finalen ndaj Liverpoolit, me ekipin e tij dhe kundërshtarin që luajnë më shumë lojë sulmuese sesa mbrojtëse.
”Do të jetë një ndeshje spektakolare, e hapur, me shumë raste. Më e rëndësishmja është të planifikojmë cfarë të bëjmë në ndeshje. Do t’a analizojmë atë në shumë detaje sepse është një finale dhe do të ketë shumë intensitet”, ishte përgjigja e teknikut Francez.
