Sergio Ramos ka gjetur pak kohë që të thotë disa fjalë rreth finales së Champions League që do t’a luajë ekipi ndaj Liverpoolit më 26 maj në Kiev.
Kapiteni gjithashtu foli edhe për senzacionin Mohamed Salah i cili ka shënuar 43 gola me Liverpoolin këtë sezon.
”Ne e kemi parë se cfarë mund të bëjë Salah këtë sezon por ai do të jetë vetëm njëri nga 11’të lojtarët që do të luajnë për Liverpoolin. Për mua, nuk ka kurrë frikë, respekt po, por asnjëherë frikë.”, janë fjalët e Ramos.
Spanjolli foli edhe për ballafaqimin e tij me shumë lojtarë të mëdhenjë gjatë karrierës: ”Gjatë gjithë karrierës time, jam përballur kundër sulmuesve më të mirë në botë dhe shumica prej tyre konsiderohen si më të mirët e historisë.”
Ndërsa sa i përket rivalit Liverpoolit ai shtoi: ”Me gjithë respektin, ndoshta në fillim të sezonit Liverpooli nuk ishte ekipi që kemi menduar se do të jetë në finale, por tani janë këtu sepse e kanë merituar.”
