Zinedine Zidane i dërgoi një mesazh Iniestas nga dhoma e konferencave në Valdebebas, që gjatë ditës së sotme zyrtarizoi largimin nga Barcelona. Trajneri Madrilen thuri elozhe për mesfushorin Katalan dhe foli për largimin e tij.
”Është e vështorë, sepse atij që i pëlqen futbolli, të shohë një lojtarë të tillë të largohet.. Unë nuk e shoh si një lojtar të Barcelonës, e shoh si një lojtar futbolli. Dy apo tre herë që kam rastisur me të, është i mrekullueshëm, shumë i rezervuar. Më pëlqejnë personat që tregojnë gjithçka në fushë dhe jashtë saj janë më të qetë. Kam vetëm fjalë të mira për të, admirim për futbollin e tij dhe i dëshiroj më të mirën për të ardhmen, para se të gjithash si njeri.”
”Po flasim për dikë që ka bërë të gjithë botën të ëndërroje dhe ka bërë që të gjithë t’a admirojnë. Meritonte të fitoje Topin e Artë, para se gjithash, në vitin kur fitoi Botërorin, dhe ishte e qartë që e meritonte. Këtë vit nuk e di nëse mund t’a fitoje.”
