Zinedine Zidane u shfaq përpara mediave pas fitores së Real Madridit në Munich. Tekniku vlerësoi punën e gjithë ekipit dhe thuri elozhe për dyshen Lucas – Asensio.
Ndeshja: ”Kemi vuajtur, por në fund kemi marë një rezultat të rëndësishëm. Duhet të dish të vuash sepse nuk mund të luash një ndeshje Championsi pa mos vuajtur. Më erdhi keq që humba Iscon në pushimin e pjesëve. Pastaj, u fut Marco dhe bëri diferencën. Jam i kënaqur me të gjithë. Ndonjëherë duhet të vuash pa top dhe ne ia dolëm.”
Isco: ”Nuk ndjehej rehat që nga fillimi, shpresoj të jetë diçka e vogël.”
Carvajal: ”Ka ndjerë dhimbje. Beson se nuk është shumë. Do të presim rezonancën.”
Asensio: ”Po, është i jashtëzakonshëm. Në të gjitha format, nuk është një risi tashmë. Bën diferencën, është vertikal, ka ritëm, ka goditjen.. Ka pak nga të gjitha.”
Lucas: ”Ka bërë një ndeshje të madhe. Ka punuar shumë dhe mbaroi ndeshjen si mbrojtës anësor. Me ndihmën e Modric, kontrolloi Riberyn.”
