Karl-Heinz Rummenigge, drejtori gjeneral i Bayern Munich, ka folur përsëri për ndeshjen gjysmëfinale të Champions League ndaj Real Madridit.
”Nuk ka eufori në këtë eliminatore. E dimë se po luajmë kundër ekipit më të mirë në botë. Kanë fituar dy Championsat League radhazi.”, thotë ish lojtari i ekipit Bavarez.
Ai e pranon se Madridi është favorit para tyre: ”Madridi është favorit në të dyja ndeshjet, por ne duam të arrijmë në finale. Do të jetë e vështirë. Ata janë favoritë. E rëndësishme është të fitojmë në Munich këtë herë, sepse ata na kanë mposhtur dy herët e fundit këtu, me Guardiolan dhe me Ancelottin.”
Ndërsa në fund ai foli për kapacitetin e Bayernit në gjysmëfinale pa ndihmën e transferimeve multi-milionëshe: ”Ne mund të arrijmë gjysmëfinalen e Champions League pa multi-milionerë arab apo rus. Kemi një filozofi ndryshe nga ajo e Man Cityt apo PSG-së, dhe mund të jetë një shembull për klubet tjera.”
