Kur raportohej që pothuajse ka përfunduar transferimi i Ramon de Araujo në Madrid, të gjithë Madrilenët e mirëpritën atë pasi ai konsiderohet njëri nga supertalentët më të mëdhenjë të futbollit, por sot u dëshmua dicka e kundërt në lidhje me transferimin e tij.
Transferimi i tij në Madrid, përkatësisht së pari në RM Castillas, ka dështuar për shkak të një dëmtimi të vjetër në gjurin e tij të majtë, vend ku kishte kryer një operim më herët apo saktësisht në gusht të vitit 2016. Dhe kjo ka ftohur drejtuesit Madrilen që kanë vendosur të mos nënshkruajnë kontratën me të.
Ramon de Araujo Siqueira është një supertalent 19 vjecar që aktualisht aktivizohet për Fluminense dhe për kombëtaren e Brazilit U20.
Sulmuesi Brazilian ishte njëri nga kryesorët që Fluminense U20 u shpall kampion për moshat e tyre në Brazil dhe njëri nga më të shquarit në Copa Sao Paolo Juvenil të këtij viti.
Sipas njoftimeve, ai do të arrinte së pari në Real Madrid Castilla në vitin 2019 si huazim me të drejtë blerje. Vlera e tij konsiderohet mes 4 dhe 6 milionë euro.
Në videon e mëposhtme ju kemi sjellur aftësitë e këtij supertalenti që dështoi të transferohet nga Perez:
