Mohamed Salah është senzacioni i Premier League këtë sezon. Sulmuesi egjiptian i Liverpoolit po jeton në formën e karrierës pasi ka shënuar 30 gola në Premier League dhe 40 gola të gjitha kompeticionet me ekipin e The Reds këtë sezon.
Dhe emri i tij tashmë është në axhendën e Real Madridit. Rreth shpërthimit të lojtarit Egjiptian ka folur bashkëkombasi i tij Mido, ish lojtar i Ajaxit, Celtas dhe Tottenhamit.
”Unë e di shumë njerëz nuk pajtohen me këtë por sipas mendimit tim Salah është lojtari më i mirë në historinë e futbollit Egjiptian.”, thotë ish mesfushori Egjiptian.
Sa i përket formës së tij Mido i cili tashmë është në pension dhe është trajner thotë se në fillim dyshonte në përshtatjen e tij në Angli por tashmë ai e ka dëshmuar të kundërtën dhe shumë shpejt mund të caku kryesor i Real Madridit.
”Unë kisha frikë se Salah do të dështonte në Liverpool, por mendoj se tani ai është i gatshëm për të lëvizur në nivelin e ardhshëm. Real Madridi do të jetë në gjendje të përdorë pikat e forta të tij dhe tashmë e dëshiron atë.”, thotë ai.
Rikujtojmë që Salah po përflitet si një zëvëndësim i mundshëm për Bale ose Benzema, sidomos për Uellsianin që pritet të largohet nga klubi Madrilen gjatë merkatos së ardhshme verore.
