Përgjigjia e Zidane kur u pyet se a do t’i hakmirret Bayerni për humbjet që i shkaktoi sezonin e kaluar
Zinedine Zidane u paraqit në konferencë për shtyp para ndeshjes së nesërme ndaj Malagas me fillim në ora 20:45.
Tekniku Madrilen nuk hezitoi të flas edhe për kundërshtarin e Champions League, Bayernin, ekip që e mposhti sezonin e kaluar dy herë në eliminatoren e Championsit.
Kjo ishte përgjigja e Franezit kur u pyet se a do t’i hakmirret klubi Bavarez për humbjet që ia shkaktoi në sezonin e kaluar:
”Besoj se janë më mirë këtë vit. Është një ekip që rivalizon shumë mirë, ndërsa si klub e dimë se si janë. Dhe si ekip, nuk ndalen, do të na krijojnë shumë vështirësi, më tepër se asnjëherë këtë vit. Janë shumë solid, kanë një dinamikë të mirë në rezultate. Nuk më pëlqen të flas për hakmarrje dhe nuk mendoj për të shkuarën, por vetëm për të tashmen dhe për të ardhmen, para se gjithash, për atë që do të bëjmë nesër.”
Rikujtojmë që ndeshja e parë Bayern vs. Real Madrid do të luhet në Allianz Arena më 25 prill dhe ndeshja e dytë në Bernabeu më 1 maj.
