Massimilano Allegri u paraqit në konferencë për shtyp para ndeshjes së nesërme ndaj Real Madridit, kampionit aktual të Europës. Tekniku italian diskutoi për këto tema:
Dyshimet për formacionin
”Ose luaj me Marchisio ose me Bentancur. Në mbrojtje luan Barzagli. Të tjerët janë të qartë. Mandzukic është mirë, ashtu sikurse Alex Sandro. Nuk e di nëse Mandzukic do të jetë startues, por është e sigurtë që ai është i rëndësishëm në këtë eliminatore.”
Zidane
”Në një kohë të shkurtër ka fituar dy Championsa dhe puna e tij është këtu. Real Madridi është favorit për të fituar Champions League për shkak se kanë luajtur shumë vite këtu, kanë fituar 3 tituj në 4 vitet e fundit.”
Kujtimet e finales
”Në Cardiff kemi pasur një problem mental gjatë pushimit. Ne nuk dinim të luajmë për 15 minuta dhe ishte fatale për ne. Ne duhet të jemi të mencur, dicka që nuk ishte në finale. Eshtë një ekip që ka teknikë, shpejtësi, saktësi dhe kështu duhet të luajmë me këto karakteristika. Kemi arritur dy finale, disa cerekfinale dhe tani dy ndeshje të bukura ndaj Real Madridit. Nuk është keq apo jo? Duhet të kemi ambicie dhe të luajmë sic dimë. Duhet të jemi në lojë gjatë gjithë kohës.”
Isco apo Bale?
”Pyeteni Zidanen. Mendoj Bale, por…”
Më shumë rreth finales
”Nuk është një hakmarrje e Cardiffit. Duhet të luajmë në mënyrë të qetë, me seriozitet. Nëse kemi topin, duhet të luajmë mirë, të sigurt. Tre vite më parë, në gjysmëfinale, dinimi si ta bënim. Nëse nuk kemi topin, duhet të mbrohemi mirë. Duhet të luajmë si në pjesën e parë në Cardiff.”
Cristiano
”Në 31 vjet ai ndryshoi stilin e lojës dhe kjo është për t’u admiruar, sic po luan tani si më i avansuar.”
