Isco është lojtari favorit që pritet t`i bashkangjitet 10-të lojtarëve të paprekshëm të Zidane për ndeshjen ndaj Juventusit bëjnë të ditur mediet spanjolle.
Sipas po këtyre të fundit në 10-shen e padiskutushme të Zidane bëjnë pjesë: Keylor, Carvajal, Varane, Ramos, Marcelo, Kroos, Modric, Casemiro, Cristiano Ronaldo dhe Benzema.
Isco është lojtari favorit për të startuar në Torino për shkak të performancave të tij me kombëtaren e Spanjës, ku në njëren prej dy ndeshjeve të zhvilluara më këta të fundit arriti të shënoi hat-trick.
Gareth Bale siç raportojnë mediet spanjolle edhe përkundër dopietës së tij kundër Las Palmas do të jetë në stol ndaj Juventusit. Ai luajti 90 minuta ndaj Las Palmas pas një udhëtimi të gjatë me Uellsin në Kinë. Do të dukej e komplikuar prania e tij në 11-shen startuese nëse merrren parasysh miljet që ai i ka bërë ditëve të fundit.
Siç deklarojnë mediet spanjolle, dyshja Marco Asensio & Lucas Vazquez, të cilet luajtën 90 minuta në ndeshjen e fundit ndaj Las Palmas, me shumë mundësi do ta fillojnë nga stoli ndeshjen ndaj Juventusit e do të inkuadrohen në pjesën e dytë për t`i dhënë ekipit Madrilen freski.
