Zinedine Zidane u paraqit dje në konferencë për media duke analizuar ndeshjen e sontme ndaj Las Palmas.
”Ne duhet të përpiqemi të fitojmë, si gjithmonë. E dimë se Las Palmas po kalon në një sezon të vështirë, por ata janë të aftë të luajnë një ndeshje të madhe dhe kjo thotë shumë për ekipin e tyre. Duhet të jemi të përgatitur dhe të shkojmë të fortë, me intensitet dhe ritëm, pa menduar për pozitën e tyre në klasifikim sepse në Spanjë nuk ka ekipe të vogla.”
”Pas ndeshjeve të kombëtareve duhet të mendojmë për atë që duhet të bëjmë ndaj Las Palmas. Lojtarët luajtën ndeshje të rëndësishme dhe tani shkojmë në Las Palmas me iluzionin maksimal, pa menduar për ndeshjen e së martës në Champions League. Sigurisht që ne kemi në kokët tona ndeshjen e Torinos, por për të përgatitur atë mirë duhet të fillojmë që nga ndeshja me Las Palmas.”
Rotacionet
”Isco dhe Ramos kanë ndjerë shqetësime dhe nuk kanë udhëtuar. Pjesa tjetër është mirë. Ata që do të luajnë duhet të përgatiten mirë pasi Las Palmas mund të bëjë një ndeshje të shkëlqyer. Objektivi është të vazhdojmë me atë që po bëjmë dhe të shkojmë pak nga pak, të përqendruar në La Liga.”
E ardhmja
”Me pëlqen të vazhdojë në Real Madrid në sezonin e ri. Më pëlqen futbolli dhe cfarë bëjë, dhe më pëlqen të vazhdoj. Por ne tashmë e dimë se si është futbolli. Idea ime është të vazhdojë këtu sa më shumë që është e mundur. Këtu e gjithë bota mbështetet tek rezultatet. Eshtë një klub me shumë kërkesa dhe e di se ku jam.”
Isco
”Jam i lumtur për ndeshjen e tij ndaj Argjentinës. Secili interpreton fjalët e tij sic dëshiron, por ato nuk më shqetësojnë. Unë kam biseduar me të për shqetësimin e tij. Nuk jam i padrejtë dhe është një lojtar i rëndësishëm për ne. Më pëlqen dhe atë që e bënë, e bënë mirë. Çdo herë që ai luan vret, vrapon dhe jep gjithçka që ka. Eshtë e vërtetë se ai dëshiron të luaj më shumë por si gjithë të tjerët. Kam 25 lojtarë dhe duhet të zgjedh 11 për çdo ndeshje: gjithmonë do të ketë probleme. Isco është në Real Madrid dhe do të qëndrojë këtu në verë.”
Bale
”Ai është përgatitur për të luajtur. Ka luajtur dy ndeshje me Uellsin dhe nesër është radha jonë. Ai është gati.”
Mënyra e trajnimit
”Nuk mund të them se si jam sot. Jam një person shumë i pasionuar për punën. Më pëlqen futbolli, loja e mirë, që lojtarët e mi të luajnë mirë dhe jam shumë konkurrues. Kjo është ajo që më kanë mësuar në këtë klub dhe çfarë bëjnë lojtarët e mi. Unë mendoj se transmetoj tek ta atë që më pëlqen.”
