Gareth Bale po kalon në periudhën më të keqe që nga transferimi në Real Madrid.
Uellsiani nuk po arrin të rikuperojë formën e tij më të mirë pas shumë dëmtimeve dhe kjo ka ndikuar që ai të humb edhe vendin e titullarit në formacionin e teknikut Zidane.
Zidane tani po e lë në stol atë më shumë dhe po i beson Vazquez dhe Asensios, pasi janë më produktiv se Bale këtë sezon dhe janë dyshja më në formë e ekipit.
Kjo ka ndikuar menjëherë në lojtarin Uellsian që tani seriozisht po mendon largimin nga klubi Madrilen në verën e ardhshme. Shumë media të ndryshme sportive botërore e konsiderojnë situatën e Bale të njejtë me atë që e përjetoi James Rodriguez në sezonin 2016/17 por që u largua drejt Bayernit, ekip me të cilin po shkëlqen tani.
Real Madridi, në anën tjetër dëshironë të përfitojë pak nga shitja e tij dhe mundësitë që ai të rikthehet në Premier League janë shumë të mëdha pasi disa klube janë të interesuar për të.
