Karim Benzema po kalon në krizën më të keqe të golave që nga koha kur iu bashkua Real Madridit në vitin 2009.
Sulmuesi Francez po mbrohet vazhdimisht nga tekniku Zidane dhe ka mposhtur të gjithë sulmuesit e dytë që ka pasur Madridi që nga arritja e tij: Higuain, Adebayor, Morata, Jese, Chicharito. Asnjëri nga këta nuk arriti që t’i rrezikojë vendin e titullarit Benzemas që nga sezoni 2009/10.
Por cfarë mendon Benzema për sulmuesin ‘9’ perfekt? Ky ishte përkufizimi i tij në vitin 2008 se si duhet të jetë një sulmues ‘9’ perfekt sipas fjalëve të tij.
”Një sulmues nuk është vetëm për gola. Duhet të marrë pjesë, të krijojë hapësira, të jap asiste…I kuptojë kritikat, por unë kam një tjetër vizion të futbollt. Një qendër-sulmues modern duhet të jetë me pasime, lëvizje, gola dhe asistime.”, ishin fjalët e tij sa ishte pjesë e Lyonit.
Gjithashtu ai kishte shtuar: ”Unë jam një sulmues qendror, i pastër. Gjithashtu kam dicka të vogël në shënimin e golave. Pozicioni im është i lirë, pasi luaj kudo, më pëlqen të marr topin, të jap pasime dhe të shënoj gola.”
