Marco Asensio është për më shumë. Statistikat e tij pasqyrojnë se ai është njëri nga lojtarët më kryesor të ekipit sa i përket golave dhe asistimeve.
Mesfushori Madrilen është golashënuesi i 3’të më i mirë i ekipit me 8 gola, ku para tij qëndron vetëm Cristiano që ka shënuar 25 gola dhe Bale që ka shënuar 9 gola.
Gjithashtu, ai është asistuesi i 6’të më i mirë i ekipit ku këtë sezon ka dhuruar 5 asiste ndërsa lojtarët që kanë dhuruar më shumë asiste se Spanjolli janë: Kroos, Isco, Bale, Marcelo dhe Vazquez, që kanë dhuruar nga 6 asistime.
Ndeshja e fundit ndaj PSG-së edhe njëherë dëshmoi që Asensio meriton më shumë pasi dhuroi dy asistet për dy golat e fitores në vetëm 10 minuta sa ishte në fushë.
Në sezonin e kaluar ai shënoi gol dhe dhuroi asist ndaj Bayernit në cerekfinale të Championsit, shënoi gol ndaj Juventusit në finale dhe shënoi dy gola ndaj Barcelonës në superkupën e Spanjës.
