Luka Modric u paraqit 90 minuta në fitoren e mbrëmshme ndaj PSG-së dhe ishte njëri nga lojtarët kryesorë të ekipit që arriti një fitore madhështore përball superfuqisë së Francezëve.
Pas ndeshjes, Kroati theksoi se nëse luajnë kështu atëherë mund t’i mposhtin të gjitha ekipet.
”Rezultati është shumë i mirë për ne. Luajtëm njëndeshje të mrekullueshme nga fillimi deri në fund dhe e përfunduam atë në mënyrë të lumtur. Kjo është ndeshja e parë dhe ka ende një tjetër, por me qëndrimin e treguar mbrëmë në fushë ne mund t’i mposhtim të gjitha ekipet. Deri më tani kjo ka mundur të jetë ndeshja më e rëndësishme dhe do të thotë shumë për ne kjo fitore.”
”Në të gjitha aspektet e ndeshjes ne ishim në detyrë. Nuk i lejuam ata të krijojnë shumë raste edhe pse është normale kjo pasi ata kanë cilësi të mirë në ekip. Kjo është mënyra dhe duhet të vazhdojmë kështu. Para se të fillonte kjo eliminatore gjasat ishin 50% ndërsa tani jemi ne favoritë. Por ende mbetet shumë dhe duhet të përgatitemi për ndeshjet e radhës në La Liga dhe për ndeshjen kthyese këtu.”
