Zinedine Zidane u shfaq përpara mediave për të analizuar fitoren e madhe të arritur ndaj Paris Saint-Germain në Santiago Bernabeu.
Ndeshje shumë e komplikuar dhe e luajtur mirë: ”Kemi bërë një ndeshje të madhe si ekip, që nga fillimi. Ka qenë një fitore shumë e merituar. Jemi shumë të kënaqur me rezultatin dhe me mënyrën se si shkuan gjërat. Kemi patur personalitet dhe sëbashku me tifozët, që kanë qëndruar pranë ekipit gjatë gjithë këtyre momenteve, kemi arritur një rezultat të madh.”
Isco titullar: ”Me Iscon kërkonim kontrollin e topit dhe këtë e patëm. Me katër në mesfushë kundër tre të tyre, Isco bëri një ndeshje të madhe.”
Me 3-1, përballja ka përfunduar?: ”Të fitosh 3-1 nuk do të thotë që ka mbaruar. Ka një ndeshje kthimi dhe duhet luajtur si sot, jo me besim se je kualifikuar, sepse do të jetë një tjetër histori dhe ne e dimë që do të vuajmë..”
Ndeshja më e mirë e sezonit?: ”Nuk e di, ka qenë një ndeshje e madhe.”
Niveli i kënaqësisë: ”Shumë i lartë. Duhet të jemi shumë krenar për këtë ekip. Të gjithë kemi bërë tonën për një ndeshje perfekte. Që nga minuta e parë deri tek minuta e fundit. Pas golit kemi vazhduar të punojmë sëbashku, duke bërë presion lartë dhe në fund kemi marë një rezultat të mirë.”
Kthimi i golashënuesëve: ”Është ajo që ndodhi. Ky është një kompeticion që tregon se kush jemi realisht. Real Madridi nuk ka rastësisht 12 kupa Europiane. Jemi shumë të kënaqur për rezultatin kundër një ekipi si Paris Saint-Germain që të vendosë në vështirësi, por ne mund të jemi të kënaqur.”
Mbështetja e tifozëve: ”I kënaqur poashtu me tifozët tanë sepse kanë qenë vendimtarë. Kanë qenë pranë nesh që nga minuta e parë deri tek e fundit.”
Për ndeshjen e kthimit: ”Do të pushojmë dhe do të mendojmë për ndeshjen e rradhës. Ndeshja e kthimit do të jetë tjetër histori. Do të duhet të vuajmë dhe nuk do të jetë e lehtë.”
