Më 2 shtator të vitit të kaluar 2017, publiku i Bernabeut ishte dëshmitar i njërës nga ndeshjet më të mira në karrierën e Iscos, për të mos thënë më e mira. Nuk ishte me fanellën e Real Madridit, por me atë të kombëtares së Spanjës, ku magjiku Madrilen shkëlqeu në fushë përball Italisë.
Me një dopietë në vetëm 40′ minutat e para tëndeshjes, Isco dëshmoi se është njëri nga talentët më të mirë aktualisht në futboll. Gjithashtu kjo ndeshje ishte përballja e tij e fundit kundër Verratit, lojtarit që mund të luajë sonte me fanellën e klubit kundër PSG-së.
Isco e turpëroi gjatë gjithë ndeshjes Verratin duke i shkaktuar ndoshta ndeshjen më të tmerrshme të karrierës së tij. Të gjithë presin një tjetër performancë të mirë sonte nga Isco nëse starton apo nëse inkuadrohet në lojë nga stoli.
Ju ftojmë ta ndiqni videon e mëposhtme me performancën e Iscos ndaj Verratit në ndeshjen e fundit ndërmjet tyre:
