Rusia ka pushtuar Ukrainën duke shkaktuar dhjetëra të vdekur, duke përfshirë civilë, me qëllim “çmilitarizimin” dhe “denazifikimin” e territorit . NATO tashmë po studion një plan emergjence dhe, për momentin, ka miratuar një paketë sanksionesh për të shkatërruar ekonominë ruse.
Ideja është të ndërpritet rritja e tyre, aksesi në tregjet e kapitalit dhe, mbi të gjitha, të bëhet borxhi i tyre më i shtrenjtë dhe të shkaktojë inflacion . Në këtë mënyrë, pa hyrë në luftë ushtarake, synojnë ta bëjnë Vladimir Putinin të shohë se nuk ia vlen dhe se vendi i tij do të hyjë në një falimentim të paparë.
Finalja e Ligës së Kampionëve nuk do të luhet në Shën Petersburg dhe UEFA gjithashtu mund të prishë kontratën e reklamave me Gazprom, i cili kontribuon me 40 milionë në vit për organizmin e kryesuar nga Aleksander Ceferin. Schalke 04 e Gjermanisë ka njoftuar tashmë se do të tërheqë reklamat nga bluzat e saj.
UEFA ka vendosur që finalja të kalojë në Stade de France në Saint-Denis , shtëpia e kombëtares franceze: “Ne shprehim mirënjohjen dhe vlerësimin tonë për Presidentin e Republikës, Emmanuel Macron”.
