Isco është një lojtar me talent të jashtëzakonshëm, por kapaciteti i tij i punës nuk është i qëndrueshëm dhe kjo e ka bërë atë një lojtar pa mundësi te Real Madridi sezonet e fundit.
Lojtari nuk është në gjendjen më të mirë fizike dhe mungesa e minutave ka bërë që të humbasë gjithë ritmin e garës. Fillimi i këtij sezoni me Ancelottin dha shpresë, por realiteti ka qenë shumë ndryshe.
Isco ka luajtur vetëm 177 minuta të shpërndara në shtatë ndeshje , paraqitjen e tij të fundit më 21 nëntor kundër Granadës, ku luajti vetëm 11 minuta.
Isco dëshiron të dalë për të gjetur versionin e tij më të mirë, një version që e bëri atë lider të Kombëtares spanjolle të Lopeteguit dhe një nga të paprekshmit e Real Madridit, por që gradualisht është zbehur.
Sipas Tomás González të gazetës ABC, lojtari dhe përfaqësuesi i tij nuk kanë marrë thirrje për t’u larguar në merkaton e dimrit . Ekipet kanë prioritet nënshkrimin e tij si futbollist i lirë në qershor 2022.
Skuadra që kishte shfaqur njëfarë interesi për futbollistin kishte qenë Sevilla e Julen Lopeteguit , por skuadra e Seviljes nuk e ka si prioritet opsionin pasi skema e trajnerit nuk e ka pozicionin ideal të lojtarit të Madrilen.
