Emilio Butragueño, Drejtor i Marrëdhënieve Institucionale të Real Madridit, fol për Movistar pas fitores që Reali arriti ndaj Mallorca të mërkurën në mbrëmje.
“Ishte një lojë shumë tërheqëse, shumë argëtuese për spektatorin, me guxim të madh dhe shumë dinamikë, shpejtësi dhe të rinj në fushë. Jemi shumë të kënaqur dhe presim që madrilenët të jenë të kënaqur me atë që po shohin në fushë” shpjegon Butragueño, i cili veçoi lojën e Karim Benzema.
“Sot ka pasur shumë të rinj në fushë dhe ai është mësuesi. Është në pjekurinë maksimale të tij dhe çdo ndeshje na ofron një repertor të ri. Ai është një sulmues me shumë burime dhe është një lojtar thelbësor për ne”.
Lidhur me Marco Asensio, Drejtori i Marrëdhënieve Institucionale mbyll debatin: “Mendojmë se është një lojtar shumë i rëndësishëm. Të gjithë janë të rëndësishëm. Sot ai luajti një ndeshje të jashtëzakonshme. Shënoi tre gola të vështirë, me shumë cilësi, golat e dytë dhe të tretë na japin një ide të qartë mbi kapacitetin e tij teknik. Ne kemi besim total tek Asensio“, përfundon Butragueño.
