Eden Hazard është përfshirë në formacionin ideal të vitit 2019 nga FIFA dhe pas pranimit të cmimit ai foli për media rreth disa temave të ndryshme aktuale.
”Ndihem shumë mirë dhe shumë i lumtur që jam këtu për të dytin vit me radhë. Jam shumë krenar që kam mundësi të luaj futboll dhe të jem në formacionin ideal. Po e shijoj këtë moment, është një nder të jem në mesin e shumë lojtarëve të jashtëzakonshëm”
”Sezoni i kaluar ishte shumë i mirë. Kur fitoni një herë, dëshironi të fitoni një tjetër. Dua të vazhdoj kështu, duke shënuar gola, duke fituar ndeshje dhe shpresoj të jem përsëri këtu në sezonin e ardhshëm. Jo vetëm që më motivojnë trofetë, gjithashtu përpiqem të bëj cmos sa herë që stërvitem dhe luaj një ndeshje. Atë që bëra me Chelsean dua t’a bëjë edhe me Real Madridin”
”Për mua të luaj në këtë ekip është si një ëndërr, jam i lumtur që po përmbush një nga ëndërrat e mia. Të dielën ndaj Sevillas fituam dhe luajtëm një ndeshje të mirë dhe shpresoj që të vazhdojmë të fitojmë dhe t’i bëjmë tifozët të lumtur”
