Ish mesfushori i Real Madridit, Claude Makelele, ka thurur elozhe për kualitetin e yllit Francez, Paul Pogba.
Në një intervistë të dhënë për Marca-n, Francezi ka folur për tema të ndryshme, ndërsa ata më të rëndësishmet i keni në vijim.
Çfarë është Real Madridi për ju?
”Real Madridi është një klub që më ka dhënë shumë gjëra dhe jo vetëm në aspektin profesional por poashtu edhe në atë personal. Për mua ata janë klubi më i mirë në botë. Janë unikal në çdo aspekt.”
Real Madridi duket sikur po blen shumë lojtar Francez kohëve të fundit..
”[Qeshet] – Ka patur shumë lojtar Francez në të shkuarën, kishim kualitet! Është një gjë e mirë për Real Madridin dhe për lojtarët Francez. Jo çdokush e ka mundësinë të veshë këtë bluzë.”
A mund t’a veshë atë Paul Pogba?
”Pa dyshim që po. Zidane i vlersëson këta lojtar. Pogba di të bëje gjithçka dhe kjo është e vështirë. Potenciali i tij është impresionues, por do të jetë e vështirë për Manchester United t’a lërë të largohet sepse ai është një simbol.”
A e ka ai profilin e një lojtari që mund të triumfoje në Real Madrid?
”Kuptohet. Ai ka karakter, personalitet, lojë.. shumë gjëra. Dhe kjo është gjithmonë mirë për një ekip si Real Madridi.”
Mendoni se Florentino Perez mund t’a mare atë?
”Florentino Perez mund të mare çdokënd. Ai ka bërë shumë gjëra për klubin, për vendin dhe për botën e futbollit. Ai është një person kyç në historinë e Real Madridit.”
Po Kylian Mbappen?
”Ai është impresionues për moshën që ka, por mendoj se Paris Saint-Germain nuk do e lejoje asnjëherë të largohet. Aktualisht është e pamundur, teksa ai është imazhi i klubit dhe i vendit. Ai tashmë ka treguar që është një fenomen në kombëtare. Ka kualitete futbolli, karakter, personalitet, gjithçka..”
