Florentino Perez nuk dëshiron të mbahet mend si presidenti që shiti Cristiano Ronaldon. Ai dëshiron nga Cristiano të bëje atë që bëri Xabi Alonso në vitin 2014 kur ai iu bashkua Bayern Munich.
Largimi i Cristiano Ronaldos drejt Juventus ka prezentuar dhe një pengesë të vogël. Jugones raportoi të Martën që Real Madridi ka pranuar 100 milion eurot për lojtarin nga Juventus, por gjërat nuk janë aq të qarta në këtë moment. Madje edhe këtë verë, Real Madridi ka insistuar që klauzola e Cristiano Ronaldos është 1 miliard euro, kurdo herë që ai ka qenë i lidhur me një lëvizje tek PSG apo në Kinë.
Tani klubi dëshiron të pranoje një ofertë sa 1/10 e klauzolës së tij – por me një kusht. Real Madridi dëshiron që Cristiano të paraqitet përpara mediave dhe t’a bëje të qartë se pse dëshiron të largohet dhe se ky është një vendim i tij e jo i klubit. Ai gjithashtu duhet të falenderoje klubin dhe presidentin për përkrahjen e dhënë që ky transferim të kompletohet. Sidoqoftë, ky është një kusht që lojtari nuk dëshiron t’a pranoje. Kjo ishte edhe rruga që Xabi Alonso ndoqi kur u largua nga klubi në vitin 2014.
Real Madridi lehtësoi largimin e Xabit edhe pse ai sapo kishte nënshkruar një kontratë rinovimi dy vjeçare. Ai u lejua të largohet për vetëm 9 milion euro pasi pranoi kushtin e Real Madridit. ‘‘Klubi nuk dëshironte që unë të largohem, por në fund ata pranuan kërkesën time. Vendimi për t’u larguar nuk është një vendim me të cilin u pajtuam të gjithë, por ata më kuptuan,” thoshte Xabi për mediat, i shoqëruar nga Emilio Butragueno në konferencën lamtumirëse.
Real Madridi ngrit çmimin e kërkuar për Cristianon
Pas raportimeve të publikuara nga La Stampa, që potenconte se Florentino tani kërkon 150 milion euro për Cristianon, klubi mbase e ka kuptuar që të shesësh një lojtar që shënon 450 gola në 438 ndeshje për vetëm 100 milion euro – madje edhe nëse ai është 33 vjeç, mund të mos shihet pozitivisht nga anëtarët e klubit në një kohë kur kemi parë çmendurira në merkato: Neymar (222 milion euro), Mbappe (180), Coutinho (160), Dembele (115), Pogba (105), Bale (101), Higuan (96), Lukaku (84.7), Luis Suarez (81) dhe Van Dijk (78).
Florentino duket sikur ka ndryshuar taktikën që ka përdorur në dy rastet e kaluara kur Cristiano kërcënonte se do të largohet. Lojtari shprehi pakënaqësinë e parë me klubin në vitin 2012 sepse nuk kishte marë një ngritje page në katër sezone (në United kishte 5 ngritje page në 6 vite). Deri më tani, Florentino gjithmonë ka insistuar: ”Nëse Cristiano dëshiron të largohet, atëherë ai duhet të prodhoje 1 miliard eurot në klauzolën e tij të largimit”. Dhe tani duket sikur presidenti është i përgaditur për t’a lënë të lirë.
