Eshtë e njohur që Florentino Perezit i pëlqen të ‘peshkojë’ në botëror. Ozil dhe James janë dëshmia më e mirë. Në këtë kampionat, në mes të thashethemeve për largimin e Cristiano Ronaldos, klubi po vazhdon të vëshgojë talentët që kanë dëshmuar aftësitë e tyre madhështore në botëror.
Njëri nga ta është Eden Hazard, një lojtar i cili që nga koha kur Zinedine Zidane e vlerësoi lartë, është në qendrën e vëmendjes të klubit. Dhe klubi gjithmonë ka mbajtur interesimin për të, me babain e tij që gjithashtu ka përforcuar këtë interesim duke thënë se ai është i hapur për një aventurë në Madrid.
Në ndeshjen e sontme ndërmjet Brazilit dhe Belgjikës, Eden Hazard shkëlqeu në një fushë me plot yje duke përfshirë edhe brazilianin Neymar. Lojtari Belg ishte një makth për mbrojtjen e Brazilit. Ai gjatë gjithë kohës i jepte personalitet dhe lojë kombëtares së tij, sidomos në pjesën e dytë.
Hazard ishte më i miri në fitoren historike dhe kualifikimin në gjysmëfinale të botërorit. Ai kaloi një sezon të vështirë me Chelsean por performancat e tij në botëror si kapiten i kombëtares së tij e kanë treguar më së miri vlerën e tij.
Belgjika shumë lehtë mund të jetë kampion bote dhe Eden Hazard shumë lehtë mund të marr rrugën e tij drejt përmbushjes së ëndërrës: të luajë në Madrid.
