Autor: Zeki Avdiu
Kryendeshja e javës së 31-të në La Liga do të zhvillohet mbrëmjen e së dielës në ‘tempullin’ e Los Blancos, Santiago Bernabeu, aty ku Real Madridi do të mirëpresë rivalin lokal, Atletico Madrid.
Dy skuadrat kryesore nga Madridi ndeshjen e parë të këtij sezoni në kuadër të La Ligas e zhvilluan më 18 nëntor në Wanda Metropolitano. Epilogu i kësaj ndeshje përfundoi me barazim pa gola. Të dyja skuadrat fituan nga një pikë.
Real Madrid Albania më poshtë sjellë gjithçka që duhet të dini rreth këtij derbi madhështor në kampionatin Spanjoll
Si e mori emrin kjo ndeshje?
Pasi të dyja skuadrat vijnë nga Madridi, derbit i mbeti emri ‘Madrid Derby’ që në shqip ka kuptimin ‘Derbi i Madridit’.
Kur u zhvillua ndeshja e parë mes dy skuadrave?
Ndeshja apo derbi i parë Madrilen ndërmjet dy skuadrave u zhvillua më 2 dhjetor 1906, ku Real Madridi triumfoi me rezultat 2 – 1.
Kuriozitete
Francisco Gento është lojtari me më së shumti derbi të luajtur në histori të La Ligas. Ish-legjenda e Real Madridit, numëron 29-të ndeshje të zhvilluara kundër Atleticos.
Rezultati më i përsëritur
Barazimi 1 – 1 dhe rezultati 1 – 2 janë rezultatet më të përsëritura në histori të kësaj ndeshje.
Plotë, 18 herë ndeshja ka përfunduar sipas rezultateve të lartëpërmendura.
Statistika nga përballjet mes dy ekipeve në La Liga
Reali e Atletico janë përballur me njëra-tjetren 160 herë në La Liga.
Real Madridi në këto 160 ndeshje ka arritur 86 fitore, kurse Atletico 39 fitore.
Skuadrat janë ndarë baraz 36 herë.
Lojtaret që kanë luajtur me fanellat e dyja ekipeve Madrilene
Hugo Sanchez, Bernd Schuster, Juan Eduardo Esnaider, Pedro Jaro, Santiago Solari, Jose Antonio Reyes dhe Theo Hernandez.
Reyes mbrojti ngjyrat e Los Blancos si një i huazuar nga Arsenal para se të rikthehej edhe njëherë në Spanjë e të luante përfundimisht si një lojtar i Atletico Madridit.
Poashtu, legjenda e Real Madridit, Raul Gonzalez ishte një lojtar i Atleticos. 40 vjeçari në fillim luajti për skuadrat e akademisë së Atleticos, por pasi që presidenti i skuadrës së Rojiblancos, Jesus Gil, mbylli akademinë e të rinjëve, ai u transferua në Real Madrid.
(Zeki Avdiu, është gazetar i Real Madrid Albania, i cili merret me transmetimin e informacioneve në faqen e këtyre të fundit në Facebook. Ky është viti i 3-të i tij i punës).
