Cristiano Ronaldo nuk e ka ndërmend të dorëzohet. Pas një fillimi të dobët të sezonit, Portugezi në vitin 2018 ka treguar vlerën e tij dhe ka rikthyer golat që i kishin munguar në fillimin e sezonit.
Portugezi në vitin 2018 ka shënuar 17 gola në 12 ndeshje dhe tani në total ka shënuar 33 gola në 34 ndeshje në të gjitha kompeticionet.
Mesatarja e golave të tij për ndeshje është 0.97, më e mira se cdo lojtarë tjetër në top 5 ligat më të forta në Europë.
Pas tij vjen Kane me 0.92 gola për ndeshje, Lewandowski me 0.91 gola për ndeshje, Cavani me 0.87 gola për ndeshje, Aguero me 0.81 gola për ndeshje, Salah me 0.80 gola për ndeshje dhe Messi me 0.78 gola për ndeshje.
Kështu Portugezi tani është njëri nga favoritët kryesorë për Këpucën e Artë të Europës duke e ditur që ai do të luajë deri në fund të La Ligas dhe tashmë është kualifikuar me ekipin në cerekfinale të Champions League.