Neymar da Silva Santos ka filluar ‘operacionin’ për transferimin e djalit të tij në Real Madrid bën të ditur ABC.
Djali i tij, Neymar Júnior, ia kërkoi këtë gjë me datën 6 mars, datë kjo kur PSG u eliminua nga Champions League. Sipas ABC, Neymari deshiron ta mbyllë fazën e tij të shkurtë dhe të gabuar në PSG dhe menjëherë të nisë lëvizjen e tij tek Real Madridi.
Braziliani nuk dëshiron të luajë përsëri në Paris si futbollist i klubit francez.
I operuar në Sao Paulo, Neymar do të ketë nevojë për tre muaj që të rikuperohet, e pikërisht brenda kësaj periudhe babai i tij do të bisedojë me presidentin e PSG, Nasser Al-Khelaifi në menyrë që ta lejojë transferimin e brazilianit në klubin Madrilen, transmeton RmadridAlbania.info.
4 arsyet për largim
Vërshellimat nga tifozet parisien, mbështetja e përgjithshme e ekipit francez për Cavanin, Kampionati i dobët francez si dhe Real Madridi siç thotë ABC janë 4 arsyet se pse Neymari e deshiron largimin nga PSG.
Vërshellimat ndaj Neymar erdhen pas përplasjeve që braziliani pati me Cavanin rreth gjuajtjes se penalltive. Vërshellimat, gjithnjë sipas ABC nuk janë harruar ende nga Neymar.
Mbështetja e përgjithshme e ekipit francez për Cavanin ka shkaktuar ndarje brenda zhveshtoreve. Siç raporton ABC janë krijuar grupe të ndara brenda zhveshtoreve: brazilianet në njëren anë ndërsa në anën tjetër argjentinasit e uruguajanet.
Argumenti i 3-të që Neymari e deshiron largimin është Kampionati i dobët francez. Braziliani i cili aktualisht po qendron në Brazil nuk deshiron të rikthehet më dhe të luajë në këtë Kampionat.
Real Madridi, sipas ABC, është shkaku më i fortë se pse Neymari e deshiron largimin nga PSG. Për Nemyarin vendi më i mirë për ta fituar Topin e Artë është Real Madridi, siç edhe e parashikonte Florentino Pérez. 26 vjeçari Neymar është i gatshëm të ulë pagën e tij në ekipin spanjoll vetëm e vetëm që të transferimi të ndodhë.
Klubi i fëmijërisë, Zidane e Cristiano
Neymar qysh në moshën 14 vjeçare e pati bërë të ditur se Real Madridi është ekipi i tij i ëndrrave.
Sulmuesi brazilian siç thuhet nga ABC deshiron të luajë përkrah idolit të tij, Cristiano Ronaldo.
Zidane ka dhënë dritën jeshile për transferimin e Neymarit në klubin të cilin ai e udhëheq aktualisht, transmeton Rmadridalbania.info
