Zinedine Zidane vlerësoi fitoren e ekipit të tij ndaj Alaves në konferencën për media me fjalë të mira për Benzeman dhe me gjestin e Cristianos në lidhje me të.
Cristiano dhe Benzema: ”Jam i kënaqur me detajin e Cristianos. Është një lojë ekipore dhe ai ka patur një detaj shumë të mirë me Benzeman. Karim bëri një ndeshje shumë të mirë dhe meritonte një gol. Kur luajmë mes linjave bëjmë shumë mirë. Pastaj, katër gola të shënuar dhe tjetër fitore.”
Golat dhe porta e paprekur: ”Në pjesën e parë kemi patur vështirësi. Duhet të përmirësohemi akoma në mbrojtje sepse rivalët jetojnë nga gabimet tona. Duam të mbajmë portën e paprekur.”
BBC: ”BBC gjithmonë ka qenë aty. Ajo që duam është që të gjithë lojtarët të ndjehen në 100% e tyre. Por, Lucas ka bërë një ndeshje shumë të mirë poashtu. Të 4 lojtarët që kanë luajtur lartë kanë bërë shumë mirë.”
Bale: ”Duam t’i shohim lojtarët në versionin e tyre më të mirë dhe Bale ka bërë shumë mirë. Ka luajtur 90 minuta dhe në një pozicion që kohëve të fundit nuk ka luajtur. Na ka dalur mirë zgjedhja për të luajtur me të në majtë. Me topin nuk ka patur nevojë të lëvizë i vetëm në atë krahë dhe ka bërë shumë mirë.”
Do të përsëritet Bale në të majtë? ”Do të shohim. Unë dua t’a shoh aty dhe më pas do të shohim..”
Ecuria e fitoreve: ”Besimi rikthehet në ndeshje të tilla. Pas ndeshjes ndaj PSG po bëjmë shumë mirë, na mungonte një ndeshje si kjo. Duhet të vazhdojmë kështu, me mendimin që duhet të luftojmë shumë për të vazhduar tutje.”
Benzema: ”Ai luan me shumë presion, por ka bërë shumë mirë. Gëzohem shumë për ndeshjen e tij dhe për golin. Një detaj shumë i madh nga Cristiano. Benzema do të ketë gjithmonë presion.”
Mentaliteti i Benzemas: ”Duhet të jesh shumë i fortë për të vazhduar, për të dëshmuar që është shumë i mirë. Gjithmonë duhet të llogarisësh tek Benzema. Dhe në citimet e mëdha gjithmonë dëshmon se çfarë lojtari i madh është. Tani ka shumë lojtarë që janë në një nivel të madh, por problemi tani është që më përket mua të bëj zgjidhjet.”
Ambienti në skuadër: ”Gjëja më e rëndësishme në skuadër është atmosfera e mirë. Kjo skuadër është top, më e mira që mund të jetë. Kemi kaluar momente shumë të komplikuara, por skuadra është e fortë. Cristiano ka patur një detaj të bukur me Benzeman dhe kjo flet për atmosferën që kemi në ekip. Dhe kështu është brenda të gjithëve.”
